Алматыда тұрғын үйлердің біріндегі ер адамның әрекеті жұрттың ашуын келтірді

Алматыда "Жас Қанат" шағынауданындағы үйлердің бірінде ерсі әрекет жасаған ер адам видеоға түсіп қалды, - деп хабарлайды Tengrinews.kz тілшісі.

Видео кадрларынан баспалдақпен көтерілген ер адамның балалар арбасының қасына келіп дәрет сындырғанын көруге болады. 

Видеоны Алматы Полиция департаменті басшысының орынбасары Рүстем Әбдірахманов Instagram-да жариялады.

"Бүгін, 03.12.2021 жылы Алматы қаласы "Жас Қанат" шағынауданының тұрғындары осы видеоны Facebook желісіне жариялады. Факт бойынша тексеру басталды.

Жүргізілген тексеру нәтижелері бойынша тиісті ақпарат жарияланатын болады", - деп жазды Алматы Полиция департаменті басшысының орынбасары Рүстем Әбдірахманов.

Сілтемесіз жаңалық оқисыз ба? Онда Telegram желісінде парақшамызға тіркеліңіз!