+7 (777) 001 44 99
Қазақша
Русский
English
14 қаңтар 2021 | 14:50
Алматыда үшінші теміржол вокзалы салынуы мүмкін
Алматы маңында Алматы-3 теміржол вокзалын салу жоспарланып отыр. Бұл туралы Алматының Бас жоспарын түзетуді талқылау барысында "Алматыгипрогор-1" компаниясы бас директорының орынбасары Алтай Сатыбалдиев айтты, - деп хабарлайды "Крыша".
ПОДЕЛИТЬСЯ
Алматы маңында Алматы-3 теміржол вокзалын салу жоспарланып отыр. Бұл туралы Алматының Бас жоспарын түзетуді талқылау барысында "Алматыгипрогор-1" компаниясы бас директорының орынбасары Алтай Сатыбалдиев айтты, - деп хабарлайды "Крыша".
Оның айтуынша, Алматы-3 вокзалының құрылысын бұған дейін "Қазақстан темір жолы" компаниясы ұсынған болатын. Бұл ұлттық компания үшін қосымша станция жүк ағынын түсіру үшін қажет.
"Сондай-ақ, бұл жолаушылар тасымалы үшін де маңызды. Сондықтан Саин көшесі өтіп жатқан Боралдай аумағында магистралды жолдар салуды және қаладан батыс бағытта Алматы-3 вокзалын салуды ұсынамыз. Онда Станция бар, тек вокзал салу керек. Осылайша бүкіл батыс аумақтар қамтылады. Алатау, Наурызбай аудандарының тұрғындары қалаға Алматы-2-ге кірмей-ақ келе алады. Осылайша, біз негізгі вокзалдың жүктемесін азайтамыз", - деді Сатыбалдиев.
Сатыбалдиев Алматыдағы теміржол торабының жалпы ұзындығы 69 шақырым екенін айтты. Ол торапқа Алматы-1 және Алматы-2 станцияларын қоса алғанда, тоғыз станция кіреді.
Сілтемесіз жаңалық оқисыз ба? Онда "ВКонтакте" желісінде парақшамызға тіркеліңіз!
Показать комментарии
Читайте также
