Алматыда ұсталған блогерлер 15 жылға дейін сотталуы мүмкін

Алматыда бопсалады деген күдікпен ұсталған екі блогер 15 жылға дейін бас бостандығынан айырылуы мүмкін, - деп хабарлайды Tengrinews.kz тілшісі.

Алматы прокуратурасының ресми мәліметіне сәйкес, қазіргі уақытта Полиция департаменті ҚР Қылмыстық кодексінің 194-бабы, 4-бөлігі, 2-тармағы ("Ерекше ірі мөлшерде жасалған бопсалау") бойынша соталды тергеу жүргізіп жатыр. Бұл бап 7 жылдан 15 жылға дейін бас бостандығынан айыруды, сондай-ақ мүлікті тәркілеуді қарастырады.

Айта кетейік, блогерлердің ұсталғаны туралы ақпарат 23 қаңтарда белгілі болды. Оларды жәбірленушінің арызы негізінде 10 миллион теңге алған сәтінде ұстағаны хабарланған еді.

Сілтемесіз жаңалық оқисыз ба? Онда Telegram желісінде парақшамызға тіркеліңіз!