Алматыда заңсыз салынып жатқан тұрғын үй кешені сүріледі

Алматыда заңсыз салынып жатқан "Жайсаң" тұрғын үй кешені бұзылады, - деп хабарлайды Tengrinews.kz тілшісі Алматы қаласы қала құрылысын бақылау басқармасына сілтеме жасап.

Ведомство мәліметінше, бұл тұрғын үй кешені Наурызбай ауданындағы "Ақжар" шағынауданында салынып жатыр.

"Бұған дейін нысанда тексеру жүргізіліп, тапсырыс беруші ҚР ӘҚБтК-нің 316 бабы 1-бөлігі, 321 бабы, 463 бабының 1-бөлігі бойынша әкімшілік жауапкершілікке тартылған болатын. Заңсыз салынған нысанды бұзу туралы талап сотқа жіберілді. Талап қанағаттандырылды. Сот шешімі заңды күшіне енуі керек", - деді басқарма өкілдері.

Сілтемесіз жаңалық оқисыз ба? Онда Telegram желісінде парақшамызға тіркеліңіз!