Алматыдағы барахолкада ірі жол апаты болды: 4 адам зардап шеккен

Алматыдағы барахолкада жаппай жол-көлік оқиғасы болды, - деп хабарлайды Tengrinews.kz тілшісі.

Апат орнында түсірілген видео Instagram-пабликтерде жарияланды.

Полиция мәліметінше, соқтығыс салдарынан төрт адам жараланған.

"14 желтоқсанда таңғы сағат 8.10-да Mercedes маркалы автокөлік жүргізушісі Солтүстік айналма жолында солтүстік бағытта келе жатқан. Ол рөлді басқара алмай, қарсы қозғалыс жолағына шығып, Nissan маркалы автокөлікпен соқтығысқан, ол соққыдан оң жақтағы Toyota-ға және одан әрі Isuzu көлігіне соқтығысқан. Төрт адам зардап шекті, оның ішінде екі жүргізуші мен екі жолаушы", - деді жергілікті полиция қызметінің кезекші бөлімі өкілдері.

Бұл деректі Алматы қаласы Жетісу аудандық Полиция басқармасы қызметкерлері назарға алған.

Сілтемесіз жаңалық оқисыз ба? Онда Telegram желісінде парақшамызға тіркеліңіз!