Алматыдағы екі ауданда су беру уақытша тоқтатылады

Алматыдағы Алмалы мен Жетісу аудандарында су беру уақытша тоқтатылады, - деп хабарлайды Tengrinews.kz тілшісі "Алматы су" баспасөз қызметіне сілтеме жасап.

23 ақпанда сағат 9.00-ден 16.00-ге дейін Алмалы ауданы аумағында Әуезов - Төле би - Розыбакиев - Гоголь көшелерінің шаршысында орналасқан тұрғын үйлер мен басқа ғимараттар суық судан ажыратылады.

"Суық сумен қамтамасыз етуді тоқтату жаңартылған сумен жабдықтау жүйесін желіге қосу үшін қажет. Осы уақыт аралығында денсаулық сақтау, білім беру және басқа да әлеуметтік ғимараттарға цистерналармен су жеткізу жұмыстары ұйымдастырылады. Қолайсыздықтарға түсінікпен қарауларыңызды сұраймыз. Сұрақтар бойынша 274-66-66 нөміріне хабарласа аласыз", - деп хабарлады "Алматы су" өкілдері.

Сілтемесіз жаңалық оқисыз ба? Онда "ВКонтакте" желісінде парақшамызға тіркеліңіз!