+7 (777) 001 44 99
Қазақша
Русский
English
25 мамыр 2022 | 15:50
Алматыдағы крематорийдің ашылу мерзімі тағы кейінге қалды
Алматыда Қазақстандағы алғашқы крематорийдің ашылу мерзімі тағы кейінге қалдырылды, - деп хабарлайды Tengrinews.kz тілшісі.
ПОДЕЛИТЬСЯ
Алматыда Қазақстандағы алғашқы крематорийдің ашылу мерзімі тағы кейінге қалдырылды, - деп хабарлайды Tengrinews.kz тілшісі.
Мегаполис билігі крематорий құрылысы екі жобаға бөлінгенін еске салды: ғимарат салу және инженерлік желілерді орнату.
"Ғимарат бойынша құрылыс-монтаж жұмыстары өткен жылдың желтоқсан айында аяқталды. Бүгінде крематорийді пайдалануға беру үшін сыртқы инженерлік желілерді жүргізуді аяқтау қажет. Ауа райының бұзылуына байланысты өткен жылдың қазан айында құрылыс жұмыстары осы жылдың наурызына дейін тоқтатылды.
Қазіргі уақытта құрылыс жұмысы қайта жанданды. Инженерлік желілер бойынша жұмыстар шамамен 2022 жылдың үшінші тоқсанында аяқталады", - деп мәлімдеді Алматы әкімдігінде.
Нысан ашылғаннан кейін күн сайын 23-24 кремация, ал жылына 7000 кремация жүргізіледі. Мұның бәрі екі ауысымды жұмыс кестесімен болады.
Әкімдік тек кремацияланатын объект туралы нақты ақпарат ұсынған жоқ.
"Қазіргі уақытта крематорийдің жұмыс істеу ережелері әзірленіп жатыр", - деп атап өтті әкімдіктің баспасөз қызметі.
Сондай-ақ, әкімдік өкілдері крематорий қандай материалдардан салынғаны туралы айтты.
"Қабырғалар алюминий кассеталарымен жабдықталған. Терезе жақтаулары полимерлі жабындысы бар мырышталған болаттан жасалған. Кіреберіс граниттен жасалды.
Крематорий ғимаратында әкімшілік бөлімшесі мен жұмысшыларға арналған кабинеттер орналасқан. Ғимаратта киім ауыстыратын бөлмелер және қоштасу залы бар", - деп қосты қалалық әкімдікте.
Еске салайық, былтыр Алматы қаласының қолайлы қала ортасы басқармасының басшысы Сапар Нұрашев крематорий құрылысы 2021 жылдың соңында аяқталатынын мәлімдеген еді.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
Показать комментарии
Читайте также
