14 маусым 2024 | 17:56

Алматыдағы Құрманғазы көшесінде көлік қозғалысы екі айға шектеледі

Фото:depositphotos.com

Алматыда Құрманғазы көшесінде көлік қозғалысы екі айға шектеледі, - деп хабарлайды Tengrinews.kz тілшісі "Алматы жылу желілері" ЖШС мәліметіне сілтеме жасап.

Алматыда Құрманғазы көшесінде көлік қозғалысы екі айға шектеледі, - деп хабарлайды Tengrinews.kz тілшісі "Алматы жылу желілері" ЖШС мәліметіне сілтеме жасап.

"2024 жылғы 17 маусым мен 17 тамыз аралығында Алматы Медеу ауданындағы Құрманғазы көшесі бойымен Пушкин көшесінен Достық даңғылына дейін және Достық даңғылынан Зенков көшесіне дейін автокөлік қозғалысы жабылады", - делінген хабарламада.

Достық даңғылынан Зенков көшесіне дейінгі қозғалыс екі жаққа да жабылады.

"1986 жылдан бері пайдаланылып келе жатқан аталған көше сегментінің жүріс бөлігінің астынан өтетін жалпы ұзындығы 305 метр құбырды қайта жаңарту учаскесінде жоспарлы жұмыстарды жүргізу қауіпсіздігін қамтамасыз ету үшін уақытша шектеулер енгізіледі. Соңғы 5 жылда бұл учаскеде 10-ға жуық ақау жойылды", - делінген хабарламада.

Бұл құбыр учаскесі жылу және ыстық сумен 5 көппәтерлі тұрғын үйді және 4 өзге де объектілерді қамтамасыз етеді. Аталған тұтынушыларға реконструкция жүргізу кезеңінде ыстық су беріледі.