Алматыдағы өрт: полицейлер видеодағы ер адамды ұстады

Алматыда ағаштарды өртеген адам ұсталды, - деп хабарлайды Polisia.kz.

"Бейнекамералар мен куәгерлік айғақтардың көмегімен Бостандық ауданындағы өрт орнында күдікті ер адам анықталды. Бұл - 1968 жылы туған ер адам. Ол от жаққанын мойындады", - делінген хабарламада.

Ер адам мас күйде болғанын және консервілерді жылытқысы келгенін айтқан, бірақ өрт бұталарға өткен, сол кезде ер адам қорыққанынан оқиға орнынан кетіп қалған.

Полиция өкілдері оқиғаның мән-жайы анықталатынын айтты.

Еске салайық, кеше, 6 қыркүйекте Алматыдағы "Көк Төбе" маңында қасақана өрт қойды деген адамның видеосы тараған болатын. 

Сілтемесіз жаңалық оқисыз ба? Онда Telegram желісінде парақшамызға тіркеліңіз!