+7 (777) 001 44 99
Қазақша
Русский
English
06 маусым 2022 | 11:53
Алматыдағы Сейфуллин-Жансүгіров қиылысындағы жолайрық құрылысы 5 миллиардқа қымбаттады
Алматыдағы Сейфуллин даңғылы мен Жансүгіров көшесінің қиылысындағы жолайрық салу құны бес миллиард теңгеге қымбаттады, - деп хабарлайды Tengrinews.kz тілшісі қалалық әкімдікке сілтеме жасап.
ПОДЕЛИТЬСЯ
Алматыдағы Сейфуллин даңғылы мен Жансүгіров көшесінің қиылысындағы жолайрық салу құны бес миллиард теңгеге қымбаттады, - деп хабарлайды Tengrinews.kz тілшісі қалалық әкімдікке сілтеме жасап.
Шенеуніктердің айтуынша, жолайрық салу құны құрылыс басталмай тұрып бөлінген бюджетке сай емес. Осыған дейін Сейфуллин-Жансүгіров жолайрығының құрылысына 8,6 миллиард теңге жұмсау жоспарланған болатын.
"Құрылыс жұмыстарына бюджет жетпей отыр. Өткен жылы түзету енгізіліп, мемлекеттік сараптама бекітілді. Бағаның қымбаттау сомасы 5 миллиард 112 миллион 738 мың 790 теңге", - деді әкімдіктегілер.
Жобаның қымбаттауы құрылыс материалдары мен жұмыс бағасының өсуіне байланысты. Қала билігі материалдардың құнын нарықтық бағаларға сәйкес түзететінін хабарлады. Мысалы, келесі құрылыс материалдары қымбаттады:
- арматура - 101 пайызға;
- бетон - 30 пайызға;
- болат құбырлар - 86 пайызға;
- шойын ысырмалар-46 пайызға;
- көпір қоршауы - 45 пайызға;
Жолайрық құрылысының жұмысы жүріп жатыр. "Батыс" және "Шығыс" өтпежолдары, жаяу жүргіншілер өткелі салынды.
"Құрылыс-монтаж жұмыстары тоқтатылған жоқ. Жаңа жер телімдері сатып алынып жатқандықтан жұмыс жалғасып жатыр", - деп атап өтті әкімдіктегілер.
Еске салайық, жоба 2013 жылы Ахметжан Есімов тұсында бекітілген болатын. Құрылыс жұмыстары әлі жалғасып жатыр.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
Показать комментарии
Читайте также
