Алматыдағы шектеу шаралары қандай жағдайда ұзартылуы мүмкін?

Алматының бас санитар дәрігері Жандарбек Бекшин қалада 20 және 21 маусым күндеріне енгізілген шектеу шаралары қандай жағдайда ұзартылуы мүмкін екенін айтты , - деп хабарлайды Tengrinews.kz тілшісі.

Онлайн-брифингте журналистер бас мемлекеттік сарапшыдан 20 және 21 маусымға енгізілген шектеу шаралары ұзара ма деп сұрады.

"Бүгінде біз жағдайды бақылап, мониторинг жүргізіп, болжам жасап жатырмыз. Егер ауру өсімі 7 пайыздан асса, онда, әрине, қосымша карантин шаралары ұзартылуы мүмкін. Бүгінгі күні ауру 5 пайыздан төмен. Біздің міндетіміз осы көрсеткішті 1 пайызға дейін төмендету", - деп түсіндірді Жандарбек Бекшин.

Бұл қалаға және одан тысқары жерлерге кіру мен шығуды шектеуге да қатысты. Өсім 7 пайыздан асып кетсе, жаңа тыйымдар пайда болуы мүмкін. Әзірше ешқандай блокбекет орнатылмайды дейді.

Қазақстан жаңалықтары. Соңғы жаңалықтар. Telegram желісінде бізге жазыл!