Алматыдан 57 шақырым жерде жер сілкінісі болды

Сейсмологтар Қазақстан мен Қырғызстан шекарасында жер сілкінісі болғанын тіркеді, - деп хабарлайды Tengrinews.kz тілшісі.

Қырғызстан Ұлттық ғылым академиясының Сейсмология институтының мәліметі бойынша, 22 сәуірде Астана уақыты бойынша таңғы сағат 4:26-да магнитудасы 3,3 болған жер сілкінісі тіркелді. Картаға сәйкес, жер сілкінісінің эпицентрі Алматыдан оңтүстік-шығысқа қарай 57 шақырым жерде орналасқан.

Жер сілкінісі Қырғызстанның елді мекендерінде сезілмегені анықталды. Оның Қазақстанға әсері туралы ақпарат жоқ.

Сілтемесіз жаңалық оқисыз ба? Онда Telegram желісінде парақшамызға тіркеліңіз!