Алматылықтар 42 мемқызметті бір жерден ала алады

Алматыдағы Достық даңғылында Әлеуметтік қызметтер үйі ашылады. Бұл жерде алматылықтар "бір терезе" қағидасы бойынша 42 мемлекеттік және 7 мемлекеттік емес қызмет түрін ала алады, - деп хабарлайды Tengrinews.kz тілшісі қала әкімінің баспасөз қызметіне сілтеме жасап.

Әлеуметтік қызметтер үйінің бірінші қабатында әлеуметтік әл-ауқат, тұрғын үй саясаты басқармасы, халықты жұмыспен қамту орталығы, азаматтарға арналған мемлекеттік корпорация, көші-қон полициясы, БЖЗҚ, Мемлекеттік әлеуметтік сақтандыру қоры, медициналық-әлеуметтік сараптама мамандарының қызмет көрсету аймағы орналасқан.

Жоғары қабаттарында салалық басқармалар орналасады.

Орталықтың ашылу күні әлі нақтыланбады. Алматы әкімі Бақытжан Сағынтаевтың айтуынша, әзірше ғимарат қалпына келтіру сатысында.

Сілтемесіз жаңалық оқисыз ба? Онда "ВКонтакте" желісінде парақшамызға тіркеліңіз!