+7 (777) 001 44 99
Қазақша
Русский
English
22 желтоқсан 2021 | 15:23
Алматылықтар мамандандырылған ХҚКО-дағы ұзын сонар кезекке шағымданды
Алматылықтар әлеуметтік желіде Жетісу ауданындағы №6 мамандандырылған ХҚКО-дағы ұзын сонар кезекке шағымданды. Оқиғаны куәгерлер видеоға түсіріп алған, - деп хабарлайды Tengrinews.kz тілшісі.
ПОДЕЛИТЬСЯ
Алматылықтар әлеуметтік желіде Жетісу ауданындағы №6 мамандандырылған ХҚКО-дағы ұзын сонар кезекке шағымданды. Оқиғаны куәгерлер видеоға түсіріп алған, - деп хабарлайды Tengrinews.kz тілшісі.
Куәгерлердің айтуынша, 90 адам халыққа қызмет көрсету орталығына кезекте тұр. Адамдар көлік жүргізуге тәжірибелік емтихан тапсыруға барған. Кіреберісте күзетші адамдарды кезекпен өткізіп тұр.
"Таңғы сағат 9.00-ға қарай 90 адам кезекте тұр. Бұл тек емтиханға келгендер. Біз сағат 7.23-те келдік. Кезекте 48-ші болдық. 1,5 ай бойы жағдай осындай. ХҚКО басшылығы не болып жатқанын біледі, бірақ мәселені қарап жатқан жоқ. Емтихан тапсыру үшін бір-екі ай оқу немесе жұмысты қою керек.
Бағдат Мусиннің телефоны жоқ па? Одан көлік жүргізу куәлігін сатып алмақ болған адамның телефон нөмірін сұрайын. Бұдан артық шыдамаймын, сатып алуға келісемін", - деп бір әйел аккаунт авторына жасырын түрде жүгінген.
Алматы қаласындағы "Азаматтарға арналған үкімет" мемлекеттік корпорациясы №1 мамандандырылған ХҚКО автодромындағы жөндеу және іске қосу жұмыстарына байланысты кезек пайда болғанын, жөндеу жұмыстары 17 қазаннан бері жүргізіліп жатқанын мәлімдеді. №6 мамандандырылған бөлімшеде практикалық емтихан тапсыруға қалада бір ғана автодром бар. Сондықтан практикалық емтихан тапсыруға ниет білдіргендердің бәрі мамандандырылған бөлімге жүгінеді.
"Жүргізуші куәлігін беру бойынша мемлекеттік қызмет көрсету сапасын арттыру мақсатында Алматыдағы № 1 мамандандырылған ХҚКО-да жаңа GPS жүйесі бар магниттік датчиктер негізінде жаңа автодромды іске қосу бойынша жұмыстар жүргізіліп жатыр. Ескі датчиктер мезгіл-мезгіл істен шығады, өйткені клиенттер практикалық емтихан кезінде жол апатына ұшырап, емтихан көліктеріне зақым келтірді. Жаңа автоматтандырылған автодромды ашу 2021 жылдың аяғына жоспарланып отыр. Уақытша қолайсыздықтар үшін кешірім сұраймыз", - деп толықтырды баспасөз қызметі өкілдері.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
Показать комментарии
Читайте также
