+7 (777) 001 44 99
Қазақша
Русский
English
06 қазан 2022 | 11:45
Алматылықтар вокзал құрылысына байланысты үйлері сүріле ме деп қорқады
Алматылықтар Алматы-3 вокзалының құрылысына байланысты үйлері сүріле ме деп қауіптеніп отыр. Бұл туралы олар қала әкімімен кездесуде айтты, - деп хабарлайды Tengrinews.kz тілшісі.
ПОДЕЛИТЬСЯ
Алматылықтар Алматы-3 вокзалының құрылысына байланысты үйлері сүріле ме деп қауіптеніп отыр. Бұл туралы олар қала әкімімен кездесуде айтты, - деп хабарлайды Tengrinews.kz тілшісі.
Кездесу барысында Мәдениет шағынауданының тұрғыны Момышұлы мен Боролдай көшелерінің қиылысында орналасқан бірнеше үйдің тұрғындары атынан сөз сөйледі.
"Біз 2014 жылғы Бас жоспарға сәйкес жер учаскелерін заңды түрде сатып алдық. Өткен жылдың соңында урбанистика және сәулет басқармасы үйлерімізге "қызыл сызықтар" белгілеп, сүрілуі мүмкін екенін айтты", - деп үрейленді әйел.
Алматы әкімі Ерболат Досаев оған осы ауданда Алматы-3 теміржол станциясының құрылысы жоспарланып отырғанын айтты.
"Басты құжат - "Алматы қаласының 2040 жылға дейінгі бас жоспары", ол жыл соңына дейін қабылданады. Мен бұл бұрын қосылған аумақтар екенін түсінемін, ол сіз ол жерді сатып алдыңыз. Алайда қала дамуы керек. Тұрғындар біз газбен қамтамасыз ете алмайтын, технологиялық талаптарға сай келмейтін жерлерге үй тұрғызған.
Мен бас жоспар бойынша ережелерді мүмкіндігінше тиімді қайта қарау туралы тапсырма бердім. Жоба дайын болған кезде біз оны көрсетеміз, бірге талқылаймыз және шешім қабылдаймыз. Қала дәл осы ауданда белсенді дамып келе жатқанын атап өтемін. Егер үйлеріңіз сүрілген жағдайда мәселені нарықтық құны бойынша өтейміз", - деді Досаев.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
Показать комментарии
Читайте также
