Алматылықтардан 24 шілдеде үрейленбеу сұралды

Бейсенбі, 24 шілдеде дабыл жүйесі сынақтан өткізіледі. Алматылықтардан сабыр сақтау сұралды, - деп хабарлайды Tengrinews.kz тілшісі.

24 шілде, бейсенбіде сағат 10:00-де "Жер-2025" республикалық оқу-жаттығуы аясында қаланың дабыл қағу жүйесі тексеріледі.

"Сіздерден сабыр сақтап, қауіпсіз орындарға баруды сұраймыз", - делінген хабарламада.

Алматы сейсмикалық қауіпті аймақта орналасқандықтан, әрбір тұрғын алдын ала қауіпсіз орынға баратын эвакуация жолын белгілеп алуға тиіс екені ескертілді.

Қауіпсіз орын ретінде электр желілерінен, ағаштар мен ғимараттардан алыс орналасқан ашық алаңдар есептеледі.

Сілтемесіз жаңалық оқисыз ба? Онда Telegram желісінде парақшамызға тіркеліңіз!