+7 (777) 001 44 99
Қазақша
Русский
English
11 қаңтар 2023 | 09:22
Алматыны қалың қар басты
Алматыда толассыз қар жауып жатыр. Қалада 15 сантиметр, ал таулы жерлерде 20-25 сантиметр қар жауды, - деп хабарлайды Tengrinews.kz тілшісі Алматы қаласының коммуналдық инфрақұрылымды дамыту басқармасына сілтеме жасап.
ПОДЕЛИТЬСЯ
Алматыда толассыз қар жауып жатыр. Қалада 15 сантиметр, ал таулы жерлерде 20-25 сантиметр қар жауды, - деп хабарлайды Tengrinews.kz тілшісі Алматы қаласының коммуналдық инфрақұрылымды дамыту басқармасына сілтеме жасап.
Басқарма мәліметінше, 10 қаңтар сағат 23:00-ден 11 қаңтар сағат 06:00-ге дейін коммуналдық қызметтер күшейтілген режимде жұмыс істеді.
Жол қозғалысына қатысушылардың қауіпсіздігін қамтамасыз ету үшін қызметкерлер арнайы техниканың көмегімен жолдарды көктайғаққа қарсы материалдармен өңдеді. Осы уақытта қала бойынша қар тазалаушы машиналардың 18 колоннасы қозғалды. Нәтижесінде 1260 текше метр қар шығарылды.
Қазіргі уақытта қоғамдық орындарды, тротуарларды, жаяу жүргіншілер жолдарын, қоғамдық көлік аялдамаларын, жер үсті және жерасты өткелдерін тазарту жұмыстары жалғасып жатыр.
Түнде қала көшелерінде барлығы 360 адам және 460 бірлік арнайы техника, оның ішінде 204 сыпыру-жинау машиналары жұмыс істеді.
Басқарма өкілдері қалада қар әлі толассыз жауып жатқанын атап өтті.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
Показать комментарии
Читайте также
