Алматыны тұман басты: әуежайда рейстер шегеріліп жатыр

Алматыда қою тұман байқалып, әуежайда рейстер шегеріліп жатыр, - деп хабарлайды Tengrinews.kz тілшісі.

Алматыда 31 қаңтарда таңертең ерте қаланы қалың тұман басқаны байқалды.

Әуежайдың онлайн рейстер кестесіне сәйкес, бүгін 12 рейс кешігіп жатыр. Оның ішінде Нұр-Сұлтаннан бес ұшақ кешігіп жатыр. Бұл бағыттағы рейсті қазақстандық төрт әуекомпаниясы орындайды: Air Astana, Fly Arystan, Qazaq Air және SCAT.

Сондай-ақ, Шымкент, Атырау, Жезқазған, Өскемен және Пхукет рейстері де кешігіп жатыр. Бес ұшақ Алматыдан Нұр-Сұлтан, Атырау, Ақтөбе және Жезқазған бағытына ұшуы керек болған.

Алматы-Қапшағай бағытында тасжолда көру мүмкіндігі шектеулі. Әлеуметтік желіде жолдан түсірілген кадрлар пайда болды.

Сілтемесіз жаңалық оқисыз ба? Онда Telegram желісінде парақшамызға тіркеліңіз!