Алматының бірқатар шағынауданында суық су болмайды

Алматыда бірқатар шағынауданда бір күнге суық су болмайды, - деп хабарлайды Tengrinews.kz тілшісі "Алматы су" МКК баспасөз қызметіне сілтеме жасап.

"8 маусымда сағат түнгі 01:00-ден сағат 22:00-ге дейін Ақсай-4, Ақсай-5, Достық, Жетісу-1, Жетісу-2, Жетісу-3, Жетісу-4, Мамыр-1, Мамыр-2, Мамыр-4, Мамыр-5, Мамыр-6, Мамыр-7 шағынаудандарында орналасқан тұрғын үйлерге және өзге де ғимараттарға суық су беру тоқтатылады", - делінген хабарламада.

Алматы қаласы Әуезов ауданын сумен қамтамасыз ету желілеріндегі технологиялық құрылғыларды ауыстыру жұмыстарын қауіпсіз жүргізу үшін суық сумен жабдықтау қызметіне уақытша шектеулер енгізіледі.

"Алматы су" МКК өкілі қала тұрғындарынан уақытша қолайсыздықтарға түсіністікпен қарауды сұрады.

Сілтемесіз жаңалық оқисыз ба? Онда Telegram желісінде парақшамызға тіркеліңіз!