Алматының екі миллионыншы тұрғыны туралы не белгілі?

21 маусымда Алматының екі миллионыншы тұрғыны Аяла Жамбыл дүниеге келді, - деп хабарлайды Tengrinews.kz тілшісі AIBAT жаңалықтар қызметіне сілтеме жасап. 

Қыз - отбасындағы алтыншы бала. Аяланың бес әпкесі бар.

"Декретке дейін балабақшада тәрбиеші болып жұмыс істедім. Балаларды, оларды баққанды жақсы көремін. Сондықтан шығар, жаратқан маған осындай сый жасады - алты қыздың анасы атандым", - деді анасы Әлия Жәнібекова.

Екі миллионыншы тұрғынның әкесі полицияда жұмыс істейді. Аяла төрт келіден сәл асып туған. Отбасы ұлы мен үлкен пәтері болғанын қалайды. Қазір жанұя баспана кезегінде 2050-ші болып тұр және ата-анасымен бірге тұрады.

Сілтемесіз жаңалық оқисыз ба? Онда Telegram желісінде парақшамызға тіркеліңіз!