Алматының ортасында қаруланған ер адам ұсталды

Алматыда Ұлттық ұланның әскери қызметкерлері тапанша ұстаған ер адамды ұстады, - деп хабарлайды Tengrinews.kz тілшісі Polisia.kz басылымына сілтеме жасап.

11 қараша сағат 22.00-де кезекші бөлімге Медеу ауданындағы көшелердің бірінде қолында қаруы бар ер адам жүргені туралы хабарлама түседі.

Содан кейін айтылған мекенжайға шыққан Ұлттық ұлан әскерилері Қонаев-Мәметов көшелерінің қиылысында ер адамды табады. Ол тәртіп сақшыларын көріп, қашуға тырысады. Алайда әскерилер оны ұстаған.

Ұсталған орынға Медеу ауданы ПБ тергеу-шұғыл тобы шақырылған. Сол жерде 26 жастағы азаматтан екі газ және нөмірі өшіп қалған сигналдық тапанша тәркіленеді.

Сілтемесіз жаңалық оқисыз ба? Онда "ВКонтакте" желісінде парақшамызға тіркеліңіз!