+7 (777) 001 44 99
Қазақша
Русский
English
15 мамыр 2024 | 09:31
Алматының тауларында ірі нысан сүріліп жатыр
Алматыда тау бөктеріндегі ірі құрылыс нысаны сот шешімі бойынша бұзылды, - деп хабарлайды Tengrinews.kz тілшісі қала әкімдігі мәліметіне сілтеме жасап.
ПОДЕЛИТЬСЯ
Алматыда тау бөктеріндегі ірі құрылыс нысаны сот шешімі бойынша бұзылды, - деп хабарлайды Tengrinews.kz тілшісі қала әкімдігі мәліметіне сілтеме жасап.
Қала құрылысын бақылау басқармасы мәліметінше, Қыз Жібек көшесі, 25 мекенжайдағы таулы жерде заңсыз салынған құрылысты сүру басталған.
Ауданы шамамен 544 шаршы метр болатын нысанды меншік иесі (жеке тұлға) рұқсат беру құжаттамасынсыз, авторлық және техникалық қадағалауларсыз шаруашылық тәсілмен тұрғызған.
"Басқарма меншік иесіне қатысты жоспардан тыс тексеру нәтижелері бойынша ҚР ӘҚБтК-нің 316-бабы 1-бөлігі, 321, 322-бөлігі 1, 463-бөлігі 1-бөлігі бойынша шаралар қабылдады, сондай-ақ жол берілген бұзушылықтарды жоймағаны үшін нұсқама берілді. Нұсқама талаптарын орындамағаны үшін меншік иесі ҚР ӘҚБтК 462-бабы 3-бөлігі бойынша әкімшілік жауапкершілікке тартылады", - делінген хабарламада.
2023 жылғы 9 маусымда Медеу аудандық сотының шешімі бойынша, басқарманың нысанды бұзуға қатысты талап арызы қанағаттандырылған, содан кейін меншік иесінің аппеляциялық шағымы бойынша сот талқылаулары жүргізілді.
2023 жылғы 21 қыркүйекте Алматы қалалық соты бірінші сатыдағы шешімді өзгеріссіз қалдырды. Сүру бүгін сот орындаушыларының қатысуымен басталғаны айтылды.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
Показать комментарии
Читайте также
