+7 (777) 001 44 99
Қазақша
Русский
English
22 сәуір 2022 | 09:18
"Алты жыл алдап келеді!" Талғардағы балалар үйінің түлектері Президентке үн қатты
Талғардағы "Нұр" жекеменшік балалар үйінің ондаған түлегі кейінгі жыл бойы алданып келгенін айтты, - деп хабарлайды Tengrinews.kz тілшісі.
ПОДЕЛИТЬСЯ
Талғардағы "Нұр" жекеменшік балалар үйінің ондаған түлегі кейінгі жыл бойы алданып келгенін айтты, - деп хабарлайды Tengrinews.kz тілшісі.
Балалар үйінің түлектері өз проблемаларын айтты. Мекемеден шыққаннан кейін балалар заң бойынша жетімдерге тиесілі жәрдемақыны аудару үшін шот алмағаны белгілі болды.
Балалар кәмелетке толғаннан кейін тиісті қаражат алмаған. Сонымен қатар, жетім балалар тұрғын үй алу үшін мемлекеттік кезекке уақытылы тұрмаған.
"Бұл тақырыпты балалар үйінде бірнеше рет көтердік, бірақ нәтижесіз болды. 2016 жылы олар бізді сотқа береміз деп қорқытты. Бізге бес қабатты үй салынатынын, мемлекеттен жер алынғанын, ол 100 гектардан асатын жер екені айтылды. Олар үй салуға уәде берді, сондықтан ешқайда жүгінбедік. Бірақ 2020 жылы балалар үйінің директоры бізді шақырып, 6 гектар жер бар екенін айтты", - дейді түлектер.
Алайда бұл учаскеден тұрғын үй алу үшін олардан 500 мың теңгеден талап етілген. 60 бала үшін бұл қаражат ауыр болған.
"Бізде ондай ақша жоқ екенін түсіндірдік, мемлекеттік органдарға бөлуге көмектесу үшін жүгінуді ұсындық. Бірақ балалар үйінің директоры қарсы болды, ол қазір бұл жерге мораторий енгізілгенін, 2021 жылы келуіміз керек екенін айтты. Былтыр оларға қайта жүгіндік, олар бізді шығарып салып, ешкімге жер берілмейтінін және оларға сенбеуімізді жеткізді. Кейін біз жерге мораторий жарияланбағанын анықтадық", - деді балалар үйі тәрбиеленушілері өз үндеуінде.
Бұл оқиға Талғар ауданының әкімдігіне де мәлім. Әкімнің баспасөз хатшысының айтуынша, мәселе осы күзде шешіледі.
"Барлық бала ТКШ базасында тұрғын үй кезегінде тұр. Жер балалар үйіне берілді. Бірақ демеушіні енді ғана таптық. Күзде осы учаскеде құрылыс басталады және түлектер уәде етілген тұрғын үйге ие болады", - деді аудан әкімдігі өкілі.
Есқожина Тұяқ Қазкенқызы 1998 жылы Талғарға көшіп келген. Содан кейін оның жеке балалар үйін құру идеясын қала басшылығы қолдап, ғимарат бөлген.
Жетім балалар мемлекеттен тиісті қаражат ала ма, ол әзірше белгісіз. Бұл сұраққа уәкілетті органдар жауап берген жоқ.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
Показать комментарии
Читайте также
