+7 (777) 001 44 99
Қазақша
Русский
English
24 ақпан 2022 | 15:28
"Алтын Орда" базарындағы мәселелер қалай шешіледі? Бозымбаев жауап берді
Алматы облысының әкімі Қанат Бозымбаев "Алтын Орда" базардағы мәселелер қалай шешілетінін айтты, - деп хабарлайды Tengrinews.kz тілшісі облыс әкімінің баспасөз қызметіне сілтеме жасап.
ПОДЕЛИТЬСЯ
Алматы облысының әкімі Қанат Бозымбаев "Алтын Орда" базардағы мәселелер қалай шешілетінін айтты, - деп хабарлайды Tengrinews.kz тілшісі облыс әкімінің баспасөз қызметіне сілтеме жасап.
Бозымбаевтың айтуынша, базарға қатысты мәселелерді шешу мақсатында барлық бағыт бойынша жұмыс істеледі. Құрылыс, санитария және салық бойынша бақылау жүргізіледі.
Сондай-ақ, базар қызметін жеңілдету және ашықтығын қамтамасыз ету үшін Іле ауданында А+ деңгейіндегі автоматтандырылған логистикалық хаб салу жоспарланып отыр.
"Логистикалық хаб аумағы 200 мың шаршы метр болады. Ол Қазақстандағы ең ірі кәсіпорындардың біріне айналады. Ол үшін 200 миллион доллар көлемінде инвестиция тартамыз, 1500-ге жуық жаңа жұмыс орны құрылады", - деді Алматы облысының әкімі.
Қазіргі Бозымбаев осы жобаны іске асыратын AIRBA FF ЖШС директорлар кеңесінің төрағасы Эдуард Киммен меморандумға қол қойды.
Бұған дейін Президент екі бірдей әкімге (Алматы және Алматы облысы) Үкіметпен бірлесіп "Алтын Орда" базарында тәртіп орнатуды тапсырған еді.
"Тағы бір мәселені айтқым келеді. Тиімсіз сауда делдалдығын тоқтататын кез келді. Мысалы, Алматыда тұратын 3 миллион адам көп жағдайда "Алтын Орда" базарынан тауар сатып алады. Алматы мен Алматы облысының әкімдеріне Үкіметпен бірлесіп, осы базарда тәртіп орнатуды тапсырамын", - деді Мемлекет басшысы.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
Показать комментарии
Читайте также
