+7 (777) 001 44 99
Қазақша
Русский
English
22 қараша 2022 | 17:09
"Алтын Орда" маңындағы бейберекет жол қозғалысына қатысты полицейлер пікір білдірді
Алматы полициясы жүргізушілер шағымданған "Алтын Орда" базары мен "Апорт" сауда орталығы маңындағы жолға қатысты пікір білдірді, - деп хабарлайды Tengrinews.kz тілшісі.
ПОДЕЛИТЬСЯ
Алматы полициясы жүргізушілер шағымданған "Алтын Орда" базары мен "Апорт" сауда орталығы маңындағы жолға қатысты пікір білдірді, - деп хабарлайды Tengrinews.kz тілшісі.
Тасжолдағы жағдай туралы жазба жарияланған соң тәртіп сақшылары арнайы рейдке шыққан. Полиция қызметкерлері аймақта патрульдік қызметті күшейтті. Жол ережесін бұзғандарға айыппұл салынады.
Осылайша, автобус жолағымен жүретін жеңіл көліктер мен басқа да көлік түрлерінің жүргізушілері жауапкершілікке тартылады. Сондай-ақ, жолаушыларды дұрыс емес жерге түсірген автобус жүргізушілері де жазаланады.
"Жергілікті полиция басқармасы адам өміріне қауіп төндіретін жол ережесін бұзу деректерінің алдын алу мақсатында осы аумақта қызметті күшейтті.
Бұл ретте жүргізуші қызметкерлерінің жауапкершілігін күшейтіп, жол қозғалысы ережелерін бұзудың алдын алу бойынша автопарк басшыларымен де түсіндіру жұмыстары жүргізілді. Рейдтік іс-шаралар жалғасып жатыр", - деді Алматы Полиция департаментінің баспасөз қызметі өкілдері.
Еске салайық, бұған дейін алматылық жүргізушілер "Алтын Орда" маңындағы бейберекет жол қозғалысына шағымданған болатын.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
Показать комментарии
Читайте также
