+7 (777) 001 44 99
Қазақша
Русский
English
08 ақпан 2021 | 10:39
"Алтын Орда" маңындағы жол неге ұзақ салынып жатқаны айтылды
Алматыда "Алтын Орда" базарының маңындағы дол үш жылдан аса уақыт салынып жатыр, бірақ әлі аяқталмады. Оған бірнеше себеп бар. "ҚазАвтоЖол" ұлттық компаниясының өкілі тағы біреуін айтты, - деп хабарлайды Tengrinews.kz тілшісі.
ПОДЕЛИТЬСЯ
Алматыда "Алтын Орда" базарының маңындағы дол үш жылдан аса уақыт салынып жатыр, бірақ әлі аяқталмады. Оған бірнеше себеп бар. "ҚазАвтоЖол" ұлттық компаниясының өкілі тағы біреуін айтты, - деп хабарлайды Tengrinews.kz тілшісі.
"Алтын Орда" базарының маңындағы жол айрығының құрылысы былтыр аяқталуы тиіс еді. Алайда кейінірек күтпеген жағдайларға байланысты аяқталу мерзімі қайта қаралды. Бұған коронавирус пандемиясы, сондай-ақ төтенше жағдай мен карантин режимі себеп болған.
"Өкінішке қарай, құрылыс жобасын 2021 жылдың соңына дейін ұзарттық. Себебі "Алтын Орда" Алматы мен Алматы облысының шекарасында орналасқан. Былтыр ТЖ режимі кезінде құрылыс учаскесіне блокбекеттер қойылды. Адамдар ол жермен жүре алмады. Былтыр жаз бойы, яғни құрылыс маусымы қызатын уақытта біз жұмыс істеуіміз керек еді. Бірақ тоқтап тұрды", - деп хабарлады "ҚазАвтоЖол" басқарма төрағасы Ұлан Әліпов.
"Тек жаздың соңында, қыркүйекке жақын, қозғала бастадық. Бірақ жұмыс көлемі үлкен. Дегенмен, асфальт төсеп, "Алтын Орда" алдындағы өткелді ашып үлгердік. Жарық та қойдық. Енді ең көлемді жұмыс қалды - ұзындығы 800 метр негізгі эстакада құрылысы. Ол жолдың үстінде болады. Құрылысшылар қазір эстакаданы арматуралаумен және басқа да жұмыс түрлерімен айналысып жатыр", - деп қосты ол.
Әліпов "таға" типті бұрылу эстакадасының құрылысы жалғасып жатқанын да атап өтті. Ол "Асыл Арман" тұрғын үй кешенінің жанында салынып жатыр.
"Мұнда да бетон құйылып, жұмыстар жүріп жатыр. "Тағаны" көктемге дейін аяқтағымыз келеді, сөйтіп барлық күшімізді негізгі жолға саламыз. Жыл соңына дейін осы нысанды аяқтауымыз керек. Қаржыландыру мен ақша бар, ешқандай проблема жоқ. Құрылыс былтыр болған карантинге байланысты кейінге қалдырылды", - деп атап өтті ұлттық компания төрағасы.
Ол "Алтын Орда" маңындағы жол 2020 жылдың соңына дейін ашылады" деген уәдесі базар алдындағы тоқтаусыз жол қозғалысын кеңейтуді білдіретінін айтты.
"Былтыр желтоқсанда құрылыс барысын тексердім. "Алтын Орда" алдында сегіз жолақты жол салынып, пайдалануға берілді. Онда бұрынғыдай кептеліс қазір жоқ. Базардың маңында көліктер жиналады, бірақ оны кептеліс деуге болмайды, өйткені автомобильдер тұрмайды, баяу жүреді. Эстакада салынғаннан кейін біз сол жерден бағдаршамдарды алып тастаймыз және бұл учаскеде тоқтаусыз жүрдек жол болады", - деп қорытындылады Ұлан Әліпов.
Сілтемесіз жаңалық оқисыз ба? Онда "ВКонтакте" желісінде парақшамызға тіркеліңіз!
Показать комментарии
Читайте также
