"Америкалықтар үшін стресс". АҚШ-тың Қазақстандағы елшісі сайлау туралы

АҚШ-тың Қазақстандағы елшісі Уильям Мозер сайлауға қатысты пікір білдірді, - деп хабарлайды Tengrinews.kz тілшісі.

Айта кетейік, АҚШ-та президент сайлауы ресми түрде аяқталды. Президенттікке үміткер ретінде Дональд Трамп пен демократ Джо Байден қатысқан болатын.

"Америкадағы сайлау - бұл алдын ала болжауға болмайтын және америкалықтар үшін стресс болатын жағдай. Әділ сайлау - бұл АҚШ-тың демократиялық жүйесінің негізін қалаушы. Америкалықтардың барлығы сайлау қорытындысына қуанбаса да, олардың әрқайсы сайлауға қатысты саяси пікірін білдіре алады", - дейді Уильям Мозер.

АҚШ-тың Қазақстандағы елшісі бұл сайлаудың қазір қызу талқыланып жатқанын және әлемнің барлық халқы сайлау қорытындысын асыға күтіп отырғанын айтып өтті.

Қазақстан жаңалықтары. Соңғы жаңалықтар. Telegram желісінде бізге жазыл!