+7 (777) 001 44 99
ПОДЕЛИТЬСЯ
Солтүстік Қазақстан облысы бойынша Сыбайлас жемқорлыққа қарсы қызмет осыдан бірнеше ай бұрын ақпарат кеңістігінде көрінбей кеткен шенеунікке қатысты жағдайға пікір білдірді. Президент сайлауы күні қарсаңында ол тергеу изоляторында түсірілген сюжетке түсіп қалған, - деп хабарлайды Tengrinews.kz тілшісі.
Солтүстік Қазақстан облысы бойынша Сыбайлас жемқорлыққа қарсы қызмет осыдан бірнеше ай бұрын ақпарат кеңістігінде көрінбей кеткен шенеунікке қатысты жағдайға пікір білдірді. Президент сайлауы күні қарсаңында ол тергеу изоляторында түсірілген сюжетке түсіп қалған, - деп хабарлайды Tengrinews.kz тілшісі.
Әңгіме Энергетика және тұрғын үй-коммуналдық шаруашылық басқармасының басшысы Бақыт Ілиясов туралы болып отыр. Ведомство мәліметінше, ол шынымен де қамауға алынған. Шенеунік Петропавлдағы жолдарды жөндеуге бөлінген бюджет қаржысын жымқырды, сондай-ақ пара берді және алды деген күдікке ілінген.
"Солтүстік Қазақстан облысы бойынша сыбайлас жемқорлыққа қарсы қызмет СҚО әкімдігі энергетика және ТКШ басқармасының басшыларына, "Коммунхоз" МКК және жол-құрылыс компаниясының басшыларына қатысты пара алу, беру және жымқыру деректері бойынша қылмыстық істі тергеп жатыр.
Олар Петропавл қаласының жолдарын жөндеуге бөлінген бюджет қаражатын жымқырды, осы жұмыстарды орындауға байланысты пара берді және алды деген күдікке ілінді. Сот қаулысы бойынша, күдіктілер қамауға алынды. Соталды тергеп-тексеру жалғасып жатыр, тергеу мүддесіне қатысты басқа ақпарат жария етілмейді", - деді Антикор өкілдері.
Еске салайық, бұған дейін Бақыт Ілиясов тергеу изоляторында видеоға түсіп қалғаны хабарланған болатын.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
