Антикор ҚТЖ-да кәсіпкерлерді бопсалау дерегі барын мәлімдеді

Сыбайлас жемқорлыққа қарсы қызмет Қазақстан темір жолы (ҚТЖ) қызметкерлерінің бизнесмендерден ірі көлемде пара талап етумен айналысқанын мәлімдеді, - деп хабарлайды Tengrinews.kz тілшісі.

"ҚТЖ ҰК" АҚ қызметінде де сыбайлас жемқорлық байқалады. Онда басшылар қажетті пойыз вагоны тексеруден кедергісіз өтуі үшін кәсіпкерлерден ірі көлемде пара талап етумен айналысады", - деп мәлімдеді сыбайлас жемқорлыққа қарсы қызметтің аса маңызды істер жөніндегі тергеушісі Данияр Биғайдаров ведомствоның брифингінде.

Оның айтуынша, мұндай дерек Алматы, Шығыс Қазақстан, Қостанай, Ақмола, Қызылорда, Павлодар облыстары мен Шымкентте тіркелген.

"Олар тез әрі қомақты ақша табу жолында заңсыз қылмыстық схема ұйымдастырған. Пара сомасы 100 мыңнан бес миллион теңгеге дейін. Жалпы сома ондаған миллионға жетті", - деді ол.

Сілтемесіз жаңалық оқисыз ба? Онда "ВКонтакте" желісінде парақшамызға тіркеліңіз!