Апелляциялық сот танымал дәрігерді өлтірген адамға қатысты үкімді өзгеріссіз қалдырды

Апелляциялық сот гастроэнтеролог Юрий Шумковты өлтірген адамға қатысты үкімді өзгеріссіз қалдырды, - деп хабарлайды Tengrinews.kz тілшісі. Бұл туралы Алматы қалалық сотының баспасөз қызметі мәлімдеді.

"Үкім өзгеріссіз қалды, апелляциялық шағым қанағаттандырылмады", - деп түсіндірді сот.

Еске салайық, Алматы қаласының қылмыстық істер жөніндегі мамандандырылған ауданаралық сотының үкімі бойынша 36 жастағы Нұржан Тұрсынбаев барлық бап бойынша кінәлі деп танылып, 18 жылға бас бостандығынан айыру жазасын қатаң режимдегі колонияда өтеуге сотталды.

Сілтемесіз жаңалық оқисыз ба? Онда Telegram желісінде парақшамызға тіркеліңіз!