АҚШ Қазақстанмен әріптестігін ары қарай дамытуға мүдделі - Обама

АҚШ Президенті Барак Обама Америка халқының атынан Мемлекет басшысы Нұрсұлтан Назарбаевты туған күнімен құттықтады, - деп хабарлайды Tengrinews.kz тілшісі Ақордаға сілтеме жасап.

"Сіз осы ерекше оқиғаны отбасыңыз бен достарыңыздың арасында атап өтіп жатқаныңызда біздің халықтарымыздың игілігі үшін екі ел арасындағы маңызды қарым-қатынасты ары қарай дамытуға мүдделі екенімді айтқым келеді", - делінген құттықтауда.

6 шілдеде Нұрсұлтан Назарбаев 75 жасқа толады. Мемлекет басшысын Ресей, Әзірбайжан, ҚХР, Қырғызстан, Беларусь, Тәжікстан және Өзбекстан президенттері құттықтады.