Ақтауда балағат сөздер айтқан полицейді видеоға түсіріп алды

Ақтауда полицей көлік жүргізушісімен сөйлесу кезінде балағат сөздер айтқан видеосы Желіде жарияланды. Осы жағдайға қатысты Маңғыстау облыстық полиция департаменті баспасөз қызметінің өкілдері пікір білдірді, - деп хабарлайды "Лада". 

Ведомство мәліметінше, осы видеоны полиция департаменті қызметкерлері тексерген. Оқиға 20 шілдеде шамамен 11:00-де қаладағы "РусКаз" базарында болған. 

"Полицейдің кім екені анықталды. Қазіргі уақытта оған қатыстықызметтік тексеру жүргізіліп жатыр", - деді ведомство өкілдері.