Ақтөбе облыстық ІІД күдіктілер тізіміндегі қателіктер үшін кешірім сұрады

Құқық қорғаушылар лаңкестік әрекеттерге қатысы бар деген күдіктілердің тізіміне қателесіп қосып жіберген ағайынды Самат және Санат Қожаниязовтардан Ақтөбе облыстық Ішкі істер департаментінің басшылары кешірім сұрады, - деп хабарлайды "Қазақстан" телеарнасы.

Осыдан бір сағат бұрын ғана Мұғалжар ауданынан келген Санат Қожаниязов пен ағасының зайыбы Гүлмиза Қалбекова департаментке кіріп, түсініктеме беріп шыққан.

Айта кетейік, Саматтың фотосы осыдан төрт күн бұрын іздеу жарияланған күдіктілердің тізімінде жүрсе, ал, інісі Санат кеше өзінің аты-жөнін көзі жойылған лаңкестердің ішінен тапқан.