Ақтөбеге келушілерден гөрі кеткендер көп

Жыл басынан бері басқа мемлекеттерден Ақтөбе облысына 10 адам көшіп келген, 376 ақтөбелік шетелге көшіп кеткен, - деп хабарлайды "Ақтөбе жаңалықтары" облыстық статистика департаментіне сілтеме жасап. 

Қазір облыс тұрғындарының жалпы саны - 871,8 мың адам. 2019 жылдың басымен салыстырғанда 2,2 мың адамға көбейген.

Дегенмен шетелге көшіп жатқан ақтөбеліктер де аз емес. Биыл 376 адам шетелге қоныс аударған. Оның 97 пайызы - славян ұлтының өкілдері.

Сондай-ақ, өңіраралық көші-қон мәселесінде де кері сальдо байқалады. Өзге облыстардан 1471 адам көшіп келсе, 2041 ақтөбелік басқа өңірлерге қоныс тепкен.