+7 (777) 001 44 99
Қазақша
Русский
English
14 тамыз 2024 | 14:55
"Арқан үзіліп кетті": Астанада аттракциондағы оқиға видеоға түсті
Әлеуметтік желіде Астанадағы Орталық саябақта болған жайтқа қатысты видео тарады, - деп хабарлайды Tengrinews.kz тілшісі.
ПОДЕЛИТЬСЯ
Әлеуметтік желіде Астанадағы Орталық саябақта болған жайтқа қатысты видео тарады, - деп хабарлайды Tengrinews.kz тілшісі.
Кадрлардан аттракциондағы сымның аяқ астынан үзіліп кеткенін көруге болады, содан кейін аттракционның шұғыл тоқтату сигналы беріледі
Видео авторы - аттракционда отырған адамның өзі. Астаналық жігіт пен оның қызы аттракционда жалғыз отырған. Видеодан қыз бала бір сәтте қобалжи бастағанын аңғаруға болады.
Жігіт аттракционнан түскеннен кейін үзіліп кеткен кабельді көрсетеді.
Tengri Life тілшісі түсініктеме алу үшін саябақ әкімшілігіне жүгінді. Ондағылар бұл оқиғаны растағанымен кабель аттракционның жұмыс істеу механизмімен байланысты емес екенін айтады.
Әкімшілік мәліметінше, аттракционда отырған адамдар айғайлай бастағаннан кейін оператор біреудің жағдайы нашарлай бастады деп ойлап, шұғыл стопты басқан.
"Аттракцион штаттық режимде тоқтады, барлық жолаушы аман-есен қонды. Екі деңгейлі қауіпсіздік жүйесі өшірілмеді, барлық қауіпсіздік құрылғы паспорт режимінде тоқтағаннан кейін құлыптан босатылды.
Аттракцион қону модульдерін айналдыратын редуктордың көмегімен қозғалады. Құрылымда кабельдік жетектер мен қосылыстар жоқ, осыған байланысты кабельдің үзілгені туралы ақпарат дұрыс емес", - делінген хабарламада.
Сондай-ақ, әкімшілік аттракцион барлық қажетті нормаға сәйкес келетініне сендірді.
"Аттракцион биыл сәуірде 3359-2019 баптардың нормаларына сәйкестігіне толық тексеруден өтті, жұмысқа рұқсат алды. Сонымен қатар, күнделікті тексеру және сынақ кезінде аттракционның жұмысында ақау анықталған жоқ. Кабель қалпына келтірілді, қалған жарықтандыру желісінің бекітпелері тексерілді", - деп қосты әкімшілік.
Алайда, оқиға кезінде аттракционда болған қыздың айтуынша, сым үзілгеннен кейін аттракцион дірілдей бастаған және шұғыл тоқтату түймесі жұмыс істемеген.
"Біз олардың аттракционды тоқтату туралы түймені басқанда, оның жұмыс істемейтінін естігенде аттракционның бақылаудан шыққанын түсіндік. Мен оқиғадан бірден дірілдей бастадым. Мен қазір есімнен танып қалатынымды және дүрбелеңге түсетінімді түсіндім, өйткені менің тыныс алуым жиілеп, басым айнала бастады. Аттракционнан түскеннен кейін тағы екі сағат бойы қатты дірілдедім және жағдайым нашарлай бастады. Қазірдің өзінде оқиғаны есіме алсам, дірілдей бастаймын. Кейінірек басылғаннан кейін жауапты адамдармен сөйлесу үшін аттракционға қайта оралдық, бірақ бәрі тез тарап кетті, не болып жатқанына ешкім жауап бермеді", - деді қыз.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
Показать комментарии
Читайте также
