+7 (777) 001 44 99
Қазақша
Русский
English
06 қараша 2020 | 16:40
Арман Шаққалиев ЕЭК бәсекелестік және антимонополияны реттеу министрі болып тағайындалды
Арман Шаққалиев Еуразиялық экономикалық комиссияның бәсекелестік және антимонополияны реттеу министрі болып тағайындалды, - деп хабарлайды Tengrinews.kz тілшісі ЕЭК баспасөз қызметіне сілтеме жасап.
ПОДЕЛИТЬСЯ
Арман Шаққалиев Еуразиялық экономикалық комиссияның бәсекелестік және антимонополияны реттеу министрі болып тағайындалды, - деп хабарлайды Tengrinews.kz тілшісі ЕЭК баспасөз қызметіне сілтеме жасап.
Ол қыркүйекте Бәсекелестікті қорғау және дамыту агенттігінің төрағасы болып тағайындалған Серік Жұманғариннің орнына келді.
Арман Шаққалиев бұған дейін ҚР Сауда және интеграция министрлігінің Техникалық реттеу және метрология комитетінің төрағасы лауазымынан босатылған еді.
Арман Шаққалиев 1977 жылы Қарағанды облысында дүниеге келген. Еңбек жолын Астана қаласы және Ақмола облысы бойынша "Кәсіпорындарды қайта ұйымдастыру және тарату агенттігі" ААҚ заң кеңесшісі болып бастаған. Техникалық реттеу жүйесінде 2004 жылдан бастап "Қазақстан метрология институты" РМК директоры ретінде жұмыс істей бастаған.
2008 жылғы маусымнан бастап 2016 жылы сәуірге дейін "Қазақстан стандарттау және сертификаттау институты" республикалық мемлекеттік кәсіпорнының директоры лауазымын атқарған. 2016 жылы сәуірде Еуразиялық экономикалық комиссияның Техникалық реттеу және аккредиттеу департаментінің директоры лауазымына тағайындалды.
2018 жылы шілдеде ҚР Инвестициялар және даму министрлігінің Техникалық реттеу және метрология комитетінің төрағасы болып тағайындалды.
2019 жылы тамыздан бастап қазіргі таңға дейін ҚР Сауда және интеграция министрлігінің Техникалық реттеу және метрология комитетінің төрағасы болып қызмет етті.
Қазақстан жаңалықтары. Соңғы жаңалықтар. Telegram желісінде бізге жазыл!
Показать комментарии
Читайте также
