+7 (777) 001 44 99
Қазақша
Русский
English
19 қыркүйек 2024 | 12:03
Арнаулы әлеуметтік төлем: 208 мың теңгеден асатын төлемді кімдер ала алады?
11,1 мыңнан астам қазақстандыққа арнаулы әлеуметтік төлем тағайындалды. Еңбек және халықты әлеуметтік қорғау министрлігі зейнеткерлікке шыққанға дейін төленетін жинақтарды кім алуға құқылы және оны қалай алуға болатынын айтты, - деп хабарлайды Tengrinews.kz тілшісі.
ПОДЕЛИТЬСЯ
11,1 мыңнан астам қазақстандыққа арнаулы әлеуметтік төлем тағайындалды. Еңбек және халықты әлеуметтік қорғау министрлігі зейнеткерлікке шыққанға дейін төленетін жинақтарды кім алуға құқылы және оны қалай алуға болатынын айтты, - деп хабарлайды Tengrinews.kz тілшісі.
2024 жылғы 18 қыркүйектегі жағдай бойынша, 11 126 азаматқа зиянды еңбек жағдайларында ұзақ уақыт жұмыс істеген адамдарға арналған арнаулы әлеуметтік төлем тағайындалған. Аталған төлемді тағайындауға жалпы 11 816 адам өтініш білдірген.
Өңірлер бойынша, арнаулы әлеуметтік төлемдерді алуға өтініш білдіргендердің ең көп саны Қарағанды (2 көзден - 524 адам, 4 көзден - 1 517 адам), Қостанай (2 көзден - 331 адам, ал 4 көзден - 1 024 адам) және Шығыс Қазақстан (2 көзден - 271 адам, ал 4 көзден - 1 024 адам) облыстарында тіркелген.
2024 жылдың 1 қаңтарынан бастап Қазақстанда зиянды еңбек жағдайларында ұзақ уақыт жұмыс істеген адамдарға арнаулы әлеуметтік төлем енгізілді.
"Арнаулы әлеуметтік төлем тағайындау үшін 55 жасқа толу және Бірыңғай жинақтаушы зейнетақы қорында кемінде 7 жыл кәсіптік зейнетақы аударымдарының болуы міндетті шарттар болып табылады. Төлем зейнеткерлік жасқа дейін төленеді. Арнаулы әлеуметтік төлемдерді алу үшін еңбек жағдайлары зиянды жұмыстармен айналыспауға тиіс. Жұмыскерлер жеңіл жұмысқа ауыса алады, содан кейін олар жалақы мен төлем алады немесе демалысқа шығып, зейнетке шыққанға дейін арнаулы әлеуметтік төлем алады", - делінген хабарламада.
БЖЗҚ деректері бойынша арнаулы әлеуметтік төлемді тағайындау үшін міндетті шарттарды ескере отырып, оған 2024 жылы 37 мыңнан астам жұмыскер үміткер бола алады, жалпы төлемнің орташа мөлшері 208 мың теңгеден асады. Әрбір жұмыскер үшін төлем мөлшері БЖЗҚ-дағы жинақтарына байланысты болады.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
Показать комментарии
Читайте также
