Асқар Мамин "Спутник V" вакцинасын салдырды

Премьер-министр Асқар Мамин коронавирусқа қарсы вакцина салдырды, - деп хабарлайды Tengrinews.kz тілшісі.

Үкімет басшысы Қарағанды ​​фармацевтикалық зауытында өндірілген "Спутник V" препаратын салдырған.

"Вакцина алғаннан кейінгі Асқар Маминнің денсаулығы жақсы, жанама әсерлері байқалған жоқ", - делінген баспасөз хабарламасында.

Бүгінде Қазақстанда 2,8 миллионнан аса адам коронавирусқа қарсы вакцинаның бірінші компонентін, 1,7 миллионнан аса адам екінші компонентін салдырған.

Сілтемесіз жаңалық оқисыз ба? Онда "ВКонтакте" желісінде парақшамызға тіркеліңіз!