+7 (777) 001 44 99
Қазақша
Русский
English
22 шілде 2022 | 15:29
Ассы-Түрген обсерваториясы маңынан мал қорымы табылды
Ассы-Түрген үстіртіндегі обсерватория маңынан мал қорымы табылды, - деп хабарлайды Tengrinews.kz тілшісі.
ПОДЕЛИТЬСЯ
Ассы-Түрген үстіртіндегі обсерватория маңынан мал қорымы табылды, - деп хабарлайды Tengrinews.kz тілшісі.
Мал қорымын тапқан обсерватория қызметкерінің айтуынша, адамдар ауызсу алатын маңайда жануарлар өлексесі жатыр.
"Бір күн бұрын обсерваторияның бастоғанын тексергенде мал өлексесі жатқан шұңқырды байқадық. Бұл сиырлардың жатқанына екі апта болды. Бұл жерде бұрын-соңды мал қорымы болмаған. Бұл тіпті мал қорым да емес, оларды жай ғана шұңқырға лақтырып тастаған", - дейді Максим Кругов, Ассы-Түрген обсерваториясының инженері.
Бақташылардың айтуынша, биыл 30-дан аса сиыр өлген.
"Бұл шұңқырда жеті сиырдай бар. Ол су алатын жерден 200 метр қашықтықта жатыр. Обсерватория қызметкерлері мен туристер ауызсуды осыдан алады. Біз өлексе суға түсе ме деп алаңдаймыз", - деп қосты ол.
Бастоғаннан су мұздық сулары жиналатын жер асты су қоймасына, содан кейін обсерваторияға құбыр арқылы барады. Обсерваторияға баратын 7 шақырымдық су құбыры өткен ғасырдың 80-жылдары салынған. Су алатын жердің жоғарғы бөлігінде мал қорымдары табылды.
Обсерваторияда қазір 12 адам жұмыс істейді, демалыс күндері бұл аймаққа туристер көп келеді.
"Қызметкерлер мен туристер уланып қалуы мүмкін деп алаңдаймыз, өйткені біз малдың мәселесі неден болғанын, олардың неден өлгенін білмейміз. Сібір жарасы, суық тиді немесе олар ковидтен өлді. Бастоғаннан бір сиыр табылса, қасқыр жеп кетті дер едік, бірақ мұнда арнайы шұңқыр қазып, өлекселерді төгіп тастаған", - деді Кругов.
Алматы облысы ветеринария басқармасы малдың шығынға ұшырауына қатысты пікір білдірді.
"Бүгінде малдың жұқпалы емес аурумен өлу дерегі анықталды. Бұл жануарлар дереу жойылуға жатады. Жануарлардың ауырып, жаппай қырылу деректері бойынша мал иелерінен арыз-шағым түскен жоқ. Қазір жайлаудағы эпизоотия жағдайы ветеринария мамандардың тұрақты бақылауында. Жануарлардың өлексесін жою үшін мал қорымдары бар. Сондай-ақ, биыл қосымша бес шұңқыр қазылды", -делінген хабарламада.
Ведомство мәліметінше, "биылғы 1 маусым мен 15 шілде аралығында 15 өлексе жиналған. 20 шілдеден бері 8 өлексе анықталып, жойылды".
Сілтемесіз жаңалық оқисыз ба? Онда Telegram желісінде парақшамызға тіркеліңіз!
Показать комментарии
Читайте также
