"Астана ЭКСПО-2017" өкілдері Бәйдібэкспо есіміне қатысты пікір білдірді

"Астана ЭКСПО-2017" ұлттық компаниясының қоғаммен байланыс департаментінің директоры Сергей Куянов компаниядағылардың Қазақстанда қашан "ЭКСПО" есімді баланың дүниеге келетінін күткендерін айтты, - деп хабарлайды Tengrinews.kz тілшісі.

"Әрине, бұл керемет. Бұл біз үшін қызық жаңалық болды. Шынымды айтсам, көрме өтіп жатқан кезде біз әзілдеп біреу болса да сәбиіне есімінде "экспо" сөзі бар есім береді ғой деп әзілдеген едік", - деді Сергей Куянов.

Оның айтуынша, олар әзірше сәбидің ата-анасымен көрісуді жоспарлап отырған жоқ.

"Әзірше сәбидің анасына және сәбиге денсаулық тілегім келеді", - деді  Сергей Куянов.

Еске сала кетейік, кеше Астанада жаңа туған балаға Бәйдібэкспо есімі қойылғаны хабарланған болатын.