+7 (777) 001 44 99
Қазақша
Русский
English
18 ақпан 2019 | 12:15
Астана мектептерінде сабақ болмайды
Бүгін Астанада екінші ауысымда оқитындар үшін сабақ болмайды, - деп хабарлайды Tengrinews.kz тілшісі елордалық білім басқармасына сілтеме жасап.
ПОДЕЛИТЬСЯ
Бүгін Астанада екінші ауысымда оқитындар үшін сабақ болмайды, - деп хабарлайды Tengrinews.kz тілшісі елордалық білім басқармасына сілтеме жасап.
Мәліметке сәйкес, 18 ақпанда ауа райының колайсыздығына байланысты қала мектептерінің екінші ауысымындағы 0-9 сынып оқушылары үшін сабақ болмайды.
Сондай-ақ, Теміртау қаласында 0-11 сынып оқушылары да бүгін сабаққа бармайды.
Айта кетейік, таяуда 112 құтқару қызметі 18-20 ақпанда Астана мен Ақмола облысында желдің екпіні секундына 25 метрге дейін күшейеді деп хабарлаған еді. Сондай-ақ, білім басқармасының өкілдері Астанада нашар көріну мен боран соғатынын мәлімдеді.
Синоптиктер 2019 жылдың 19-21 ақпан аралығында ауа райы қандай болатынын айтты. Қазақстаннан бір циклон кетпей тұрып, Ресейдің Еуропалық бөлігінің солтүстік аудандарынан атмосфералық фронттары арқылы республиканың көптеген облыстарында алдағы 3 тәуліктегі ауа райын анықтайтын келесі циклон асығуда. Сондықтан Қазақстанның басым бөліктерінде қар, боран, екпінді күшті жел, ал оңтүстік және оңтүстік-шығыста сулы қар, кей жерлерде қатты, тұман және көктайғақ күтіледі. Мамандардың айтуынша ауа температурасы төмендейді, бірақ климаттық нормадан жоғары сақталады екен.
Показать комментарии
Читайте также
