Астана мен Алматыда алдағы күндері ауа райы қандай болады?

Синоптиктер мәліметінше, 4–6 шілде аралығында Астана мен Алматыда ауа райы құбылмалы болады, - деп хабарлайды Tengrinews.kz тілшісі.

Астанадағы ауа райы болжамы

4 шілдеде елордада ауа райы тұрақсыз болады. Күндіз жаңбыр жауып, найзағай ойнауы мүмкін. Сондай-ақ бұршақ, күшті жел және құмды дауыл күтіледі. Жел оңтүстік-шығыстан оңтүстік-батысқа ауысып, секундына 9–14 метр, кей жерлерде екпіні 15–20, кей кездері 25 м/с-қа дейін жетуі ықтимал. Түнде ауа температурасы +20…+22 градус, күндіз қатты аптап ыстық сақталады - +33…+35 градус.

5 шілде - Астанада күн бұлтты болады, кей уақытта жаңбыр жауып, найзағай ойнауы мүмкін. Күндіз бұршақ түсуі ықтимал. Жел солтүстік-батыстан соғады, екпіні 9–14 м/с, кей жерлерде 15–20 м/с-қа дейін күшейеді. Түнде ауа температурасы +15…+17 градусқа дейін төмендейді, күндіз +22…+24 градус, яғни айтарлықтай салқындайды.

6 шілде - Астанада жауын-шашын күтілмейді. Ауа райы бұлтты болады, жел батыстан соғады, жылдамдығы 9–14 м/с. Түнде +14…+16, күндіз +26…+28 градусқа дейін жылы.

Алматыдағы ауа райы болжамы

4 шілде - Алматыда бұлтты күн, бірақ жауын-шашын болмайды. Жел шығыстан 3–8 м/с жылдамдықпен соғады. Түнгі температура +20…+22 градус, күндіз аптап ыстық сақталады - +35…+37 градус.

5 шілде - бұлтты, жауын-шашын болмайды. Жел солтүстік-батыстан 3–8 м/с. Түнде +23…+25, күндіз аптап +36…+38 градусқа жетеді.

6 шілде - Алматыда ауа райы ыстық күйінде сақталады. Бұлтты, жауын-шашын болмайды. Жел солтүстік-шығыстан 3–8 м/с. Түнде +21…+23, күндіз +31…+33 градус.

Сілтемесіз жаңалық оқисыз ба? Онда Telegram желісінде парақшамызға тіркеліңіз!