Астана орталығында полицейлер жолаушылар автобусын тоқтатты

Астана орталығында полицейлер жолаушылар автобусын тоқтатты, - деп хабарлайды Tengrinews.kz тілшісі.

Оқиға орнынан Tengrinews.kz тілшісінің айтуынша, полиция қызметкерлері Орынбор даңғылының бойында (Министрлер үйіне қарсы жолда) №51 маршрутындағы автобусты тоқтатқан. Барлық жолаушыны автобустан түсірген. Автобусты толығымен тексеріп болғаннан кейін, олар жүргізуші мен кондукторды белгісіз бағытта алып кетті.

Жолдағы адамдар мен журналистерді автобусқа жақындатпады. Еске салайық, Астана қалалық ІІД-нің баспасөз қызметінде елордада терроризмге қарсы күрес антитеррорлық жаттығулар жүргізіліп жатқаны хабарланған.