Астана прокуроры ауысты

Астана прокуроры Сабыржан Бекбосынов зейнетке шықты, - деп хабарлайды Tengrinews.kz тілшісі қалалық прокуратураның баспасөз қызметіне сілтеме жасап.

"14 ақпандағы бұйрыққа сәйкес, Дембаев Болат Бекназарұлы Астана қаласының прокуроры болып тағайындалды", - деп хабарлады қалалық прокуратурадағылар. Бұған дейін ол ҚР Бас прокуратурасының 10-шы департаментінің басшысы болған еді. 

Болат Дембаев. ҚР Бас прокуратурасының сайтынан алынған сурет

Сабыржан Бекбосынов зейнет жасына жеткендіктен, қызметінен босатылды. Ол 2014 жылдың қазанынан бері Астана прокуроры болған еді.