Астана Сәулет және қала құрылысы басқармасының басшысы қызметінен босатылды

Астана Сәулет және қала құрылысы басқармасының басшысы қызметінен босатылды, - деп хабарлайды Tengrinews.kz тілшісі қалалық әкімдік аппаратына сілтеме жасап.

"Силецкий Виталий Брониславович 30 мамырдан бастап Астана Сәулет және қала құрылысы басқармасының басшысы қызметінен босатылды", - делінген ресми хабарламада.

Осы басқарманың басшысы қызметін уақытша бұған дейін Виталий Силецкийдің орынбасары болып келген Нұрлан Қамитов атқарады.

Айта кетейік, Силецкий "Астана қалалық Сәулет және қала құрылысы басқармасы" Мемлекеттік мекемесінің басшысы қызметін үш жыл атқарды.