Астана халқының жаңа жұмыс кестесіне қашаннан бастап ауысатыны белгілі болды

Астана халқының жаңа жұмыс кестесіне қашаннан бастап ауысатыны белгілі болды, - деп хабарлайды Tengrinews.kz тілшісі. Бұл туралы елорда әкімдігінің өкілдері айтты.

"Біз елордалық тұрғындарды жаңа жұмыс кестесіне 1 маусымнан бастап ауыстыруды жоспарлап отырмыз", - деп хабарлады Астананың Жолаушылар көлігі басқармасының басшысы Бекмырза Игенбердинов.

Оның айтуынша, жұмыс уақытының кестесін дифференциациялау EXPO-2017 көрмесі өткеннен кейін де сақталады. 

"Дифференциация сақталады. Бұл республикаға емес, қалаға ғана қатысты болып отыр. Меніңше, осындай қадамды Алматы да жасайды. Кімнің не істеп жатқанын көріп, бақылап отырмыз. Қазақстан көп жағдайда Ресейге қарайды, қандай реформалар жүзеге асырылып жатқанын көреді. Біз мұнда үздік тәжірибені аламыз", - деді ол.