02 шілде 2024 | 16:06

Астанада 3-4 шілдеде жедел жәрдем, емханалар мен ауруханалар қалай жұмыс істейді?

Фото ©️ Tengrinews.kz / Тұрар Қазанғапов

ШЫҰ кезінде жедел жәрдем, емханалар мен ауруханалар штаттық режимде жұмыс істейді, - деп хабарлайды Tengrinews.kz тілшісі елорда әкімдігіне сілтеме жасап.

ШЫҰ кезінде жедел жәрдем, емханалар мен ауруханалар штаттық режимде жұмыс істейді, - деп хабарлайды Tengrinews.kz тілшісі елорда әкімдігіне сілтеме жасап.

2024 жылдың 3-4 шілдесінде Астанада Шанхай Ынтымақтастық Ұйымының саммиті өтеді.

"Бұл күндері жедел медициналық жәрдем станциясы, емханалар мен ауруханалар штаттық режимде жұмыс істейді. Қалалық стационарлар бұрынғыдай қала тұрғындарын тәулік бойы қабылдайды. Резервтік бейінді палаталарды бөлу арқылы шұғыл медициналық көмек көрсетуге толық дайындық қамтамасыз етілді", - делінген хабарламада.

Емханалар да әдеттегідей жұмыс істейді: алғашқы медициналық-санитарлық көмек ұйымдары таңғы 8:00-ден 20:00-ге дейін, активтер мен қоңырауларды қабылдау 8:00-ден 16:00-ге дейін жұмыс істейді.