Астанада 32 градус ыстық, Алматыда нөсер: 27-29 мамырға арналған болжам

"Қазгидромет" синоптиктері Астана мен Алматыда 27, 28 және 29 мамырда ауа райы қандай болатынын болжады, - деп хабарлайды Tengrinews.kz.

Астанадағы ауа райы болжамы

27 мамырда құбылмалы бұлтты, күндіз өткінші жаңбыр жауады, найзағай ойнайды. Жел оңтүстік-шығыстан соғады, екпіні секундына 9-14 метр. Ауа температурасы түнде +14...+16, күндіз +30...+32 градус.

28 мамырда құбылмалы бұлтты, жаңбыр жауады, найзағай ойнайды. Жел оңтүстік-батыстан, батыстан секундына 9-14 метр жылдамдықпен соғады, екпіні 15-20 метр. Ауа температурасы түнде +15...+17, күндіз +21...+23 градус.

29 мамырда құбылмалы бұлтты, жауын-шашынсыз. Жел батыстан, оңтүстік-батыстан соғыда, екпіні секундына 9-14 метр. Ауа температурасы түнде +10...+12, күндіз +28...+30 градус.

Алматыдағы ауа райы болжамы

27 мамырда құбылмалы бұлтты, күндіз жаңбыр жауып, күн күркірейді, кешке қарай кей уақытта қатты жаңбыр жауады. Жел оңтүстік-батыстан соғады, күндіз екпіні 15 метр секундқа жетеді. Ауа температурасы түнде +15...+17 градус, күндіз +25...+27 градус жылы.

28 мамырда құбылмалы бұлтты, жаңбыр, кей жерлерде нөсер жауады, найзағай ойнайды. Жел оңтүстік-батыстан секундына 3-8 метр, кей кездері екпіні 15-18 метрге жетеді. Ауа температурасы түнде +13...+15, күндіз +23...+25 градус.

29 мамырда құбылмалы бұлтты, кейде жаңбыр жауып, найзағай ойнайды. Жел оңтүстік-шығыстан секундына 3-8 метр, кей кездері екпіні 13 метр болады. Ауа температурасы түнде +11...+13, күндіз +25...+27 градус.

Қазақстанда нөсер жаңбыр жауады

Бұған дейін синоптиктер алдағы күндері Қазақстанның басым бөлігінде атмосфералық фронтал бөліктердің өтуіне байланысты ауа райы тұрақсыз болатынын мәлімдеген болатын. Найзағай ойнап, қатты жаңбыр жауады деп болжанған.