Астанада апта ортасына дейін күн жаңбырлы болады

Астанада аптаның ортасына дейін жаңбырлы ауа райы болады, - деп хабарлайды Tengrinews.kz тілшісі қала әкімдігінің сайтына сілтеме жасап.

"Алдағы күндері Астанада күн бұлтты болады, өткінші жаңбыр жауады, күн күркірейді. Бұл туралы astana.kz сайтына Қысқа мерзімді болжамдар басқармасынан хабарлады", - делінген хабарламада.

Бүгін күндіз сынап бағанасы +16+18°С, түнде +8+10°С көрсетеді. Ертең, 15 шілдеде ауа температурасы +18+20°С, түнде +8+10°С болады. Синоптиктердің болжамынша, 16 шілдеде ауа температурасы күндіз +22+24°С, түнде +9+11°С-ге дейін жылынады.

Сонымен қатар, үш күн бойы солтүстіктен, солтүстік-батыстан 9-14 м/с жылдамдықпен жел соғады, кей жерлерде екпіні 18 м/с жетеді.