Астанада ауа райына байланысты ескерту жарияланды

Астанада ауа райына байланысты төтенше ескерту жарияланды, - деп хабарлайды Tengrinews.kz тілшісі қала әкімдігі сайтына сілтеме жасап. 

23 қараша күні Астанада күшті жел мен көктайғаққа байланысты ескерту жарияланды. Бұл туралы Аstana.kz порталына "Қазгидрометтің" баспасөз қызметі хабарлады. Хабарламада қар жауып, боран соғатыны, оңтүстік-батыстан соғатын желдің секундына 15-20 метрге дейін күшейетіні, кей жерлерде секундына 25 метрге дейін жететіні жазылған. 

24 қараша күні қалада ауа температурасы түнде 25-30, кей жерлерде 33 градус аязға дейін төмендейді. 

Айта кетейік, мұның алдында Қазақстанда 23-25 қараша күндері аяз болатыны хабарланған еді. Бірқатар облыста аяз 30 градусқа дейін күшейеді.